Bophana - ការចែករំលែកបណ្ណសារ

ទំព័រដើម

ដើមកំណើតនៃគម្រោង

ទស្សនាចរណ៍តាមកុំព្យូទ័រ

សង្គ្រោះបណ្ណសារ

ធ្វើឲ្យបណ្ណសារមានជីវិត

បណ្ដុះបណ្ដាល និងបំផុស

សម្រាប់សាធារណជន

ព័ត៌មានបច្ចុប្បន្នភាព

សូមអញ្ជើញមកមជ្ឈមណ្ឌល

របៀបពិគ្រោះបណ្ណសារ

ការផលិតរបស់យើង

អត្ថបទក្នុងសារព័ត៌មាន

ភាពជាដៃគូ

ដៃគូសហប្រតិបត្តិការ

ការចែករំលែកបណ្ណសារ

សូមមេត្តាចូលរួម

ការផ្តល់បណ្ណសាររបស់ខ្លួន

គាំទ្រមជ្ឈមណ្ឌល

សូមទាក់ទងមកយើងខ្ញុំ

ភាពជាដៃគូ

ការចែករំលែកបណ្ណសារ

Install Khmer Unicode |

ការចែករំលែកបណ្ណសារ

មជ្ឈមណ្ឌលធនធានសោតទស្សន៍ធ្វើកិច្ចសហការជាមួយបណ្ណសារដ្ឋានឯទៀតៗ និងជាមួយអង្គការស្ថាប័ននានា ព្រមទាំងជាមួយសារវន្តបុគ្គលដ៏ទៃទៀតដែរ។ អ្នកទាំងនោះបានយល់ព្រមប្រគល់បណ្ណសារស្តីពីប្រទេសកម្ពុជារបស់ខ្លួនឲ្យប្រជាជនខ្មែរអាចមើលបាន។

វិទ្យាស្ថានជាតិសោតទស្សន៍បារាំង (INA) វិទ្យាស្ថានជាតិសោតទស្សន៍បារាំង (INA) បានប្រគល់ឲ្យមជ្ឈមណ្ឌលធនធានសោតទស្សន៍នូវបណ្ណសារជាង៥០០ ដែលភាគច្រើនបានពីទូរទស្សន៍ ប៉ុន្តែក៏មានមកពីវិទ្យុ និងពីភាពយន្តបារាំង (ព័ត៌មានថតជាភាពយន្ត) ដែរ។ ឯកសារទាំងឡាយដែលចាស់ជាងគេថតនៅឆ្នាំ១៩៤៦ នៅពេលដែលបណ្ណសារពីរភាគបីទៀត ជាសម្រង់ចេញពីសារព័ត៌មានតាមទូរទស្សន៍ ដែលនិយាយពីព័ត៌មានបច្ចុប្បន្នភាពនៃប្រទេសកម្ពុជា នៅពាក់កណ្ដាលទីពីរនៃ សតវត្សរ៍ទី២០ និងនៅដើមសតវត្សរ៍ទី២១។ http://www.ina.fr/
បណ្ណសារហ្គោម៉ុងប៉ាតេ (GPA) ស្ថាប័ននេះប្រមូលផ្តុំបានបណ្ណសារជិត២៥០ ដែលនិយាយពីឆ្នាំ១៩១០ ដល់ឆ្នាំ ១៩៨៨។ បណ្ណសារទាំងនោះបានមកពីសៀវភៅបញ្ជី ភាពយន្តនៃបណ្ណសារដ្ឋានហ្គោម៉ុង និងប៉ាតេ។ វាជាព័ត៌មានបច្ចុប្បន្នភាពតាមរោងភាពយន្ត ភាពយន្តឯកសារ និងខ្លះជាប្រធានបទដែលគេមិនបាន ផ្សព្វផ្សាយ រឺក៏បំណែករូបភាពដែលគេកាត់ចោល។ ប្រធានបទដែលគេលើកមកនិយាយគឺចម្រុះគ្នាដូចជាការយាងទៅដល់ទីក្រុងប៉ារីសនៃព្រះបាទនរោត្តម សីហនុ ក្នុងឆ្នាំ១៩៤៦ ពិព័រណ៍អាណានិគមនៅទីក្រុង ប៉ារីស ឆ្នាំ១៩៣១ ។ល។ http://www.gaumontpathearchives.com/
ក្រសួងការបរទេសបារាំង (MAE) ក្រសួងការបរទេសបារាំងបានប្រគល់ឲ្យមជ្ឈមណ្ឌលធនធានសោតទស្សន៍នូវរូបថតជិត២០០សន្លឹក ដែលថតដោយអ្នកថតរូបជនជាតិបារាំងគឺលោក អេមីល ហ្សែល ( Emile Gsell) ក្នុងអំឡុងពាក់កណ្ដាលទីពីរនៃសតវត្សរ៍ទី១៩។ រូបថតទាំងនោះបង្ហាញជាពិសេសពីញាតិវង្សខ្មែរនៅព្រះរាជវាំង ព្រមទាំងបរិវារ (អ្នកលេងភ្លេង អ្នកសម្តែងល្ខោន។ល។) http://www.diplomatie.gouv.fr
គ្រឹះស្ថានគមនាគមន៏ និងផលិតកម្មសោតទស្សន៍ នៃក្រសួងការពារជាតិបារាំង (ECPAD) មជ្ឈមណ្ឌលធនធានសោតទស្សន៍បានទទួលប្រមាណ៤០បណ្ណសារ ពីECPAD ដែលកងទ័ពបាន ថតនៅចន្លោះឆ្នាំ១៩៤៥ និង១៩៩៦ ។ ឯកសារ ទាំងនោះមិនត្រឹមតែបង្ហាញបទយកការណ៍ស្តីពីទាហានប៉ុណ្ណោះទេ តែក៏មានបង្ហាញអំពីប្រពៃណីខ្មែរ និងដំណើរទស្សនកិច្ចរបស់ឥស្សរជនជាន់ខ្ពស់ ដូចជាឧត្តមសេនីយ៍ឡឺគ្លែក ( Leclerc) ក្នុងឆ្នាំ១៩៤៦ដែរ។ http://www.ecpad.fr/
គណៈកម្មាធិការកាកបាទក្រហមអន្តរជាតិ (CIDR) មជ្ឈមណ្ឌលបានទទួលឯកសារភាពយន្តចំនួន១៦ដែលថតដោយគណៈកម្មាធិការអន្តរជាតិកាកបាទក្រហម ក្រោមប្រធានបទស្តីពីសកម្មភាពរបស់ខ្លួននៅកម្ពុជាមានដូចជាការទទួលជនភៀសខ្លួន ការជួយជនរងគ្រោះដោយសារមីនជាដើម។ http://www.icrc.org/fre
សមាគមហ្វ្រែលុយមីញែរ (Frères Lumière) ខ្សែភាពយន្តខ្លីៗចំនួន៦រឿង ដែលលោកហ្កាប្រីយែល វៃរ៍ (Gabriel Veyre) បានថតក្នុងឆ្នាំ១៨៩៩ នៅទីក្រុងភ្នំពេញ និងនៅអង្គរ បានប្រគល់ ឲ្យមជ្ឈមណ្ឌលបុប្ផាណា។ ខែ្សភាពយន្តទាំងនោះបង្ហាញឲ្យឃើញ ព្រះបាទនរោត្តម របាំប្រពៃណី និងដំណើរកម្សាន្តដោយជិះដំរីក្នុងទីក្រុងភ្នំពេញ។
បុព្វជិត ប៉ុងសូ (Ponchaud) /សមាគមអេស្បាស កំបូដស៍ (Espace Cambodge) ឯកសាររបស់ស្ថាប័ននេះមានកាសែតសំឡេងជិត១៥០ដុំ ដែលភាគច្រើននិយាយជាភាសាខ្មែរ។ ខ្លឹមសារសំខាន់គឺការផ្សាយសំឡេងវិទ្យុខ្មែរក្រហម និងការថតសំឡេងរបស់ជនភៀសខ្លួនដែលនិយាយពីសក្ខីភាពនៃរបបប៉ុលពត។ (កំពុងដំណើរការរៀបចំ នៅមិនទាន់អាចដាក់ឲ្យទស្សនាបានឡើយ)
នាយកដ្ឋានសិល្បៈភាពយន្ត និងផ្សព្វផ្សាយវប្បធម៌កម្ពុជា ការផ្តល់ឯកសាររបស់នាយកដ្ឋានភាពយន្តមានសារៈសំខាន់វិសេសវិសាលណាស់ ចំពោះមជ្ឈមណ្ឌលធនធានសោតទស្សន៍ ដែលទទូចចង់ឲ្យមានបណ្ណសារជាភាសាខ្មែរច្រើន និងផលិតដោយជនជាតិខ្មែរសម្រាប់សាធារណជន។ បទពិសោធន៍ការងារដំបូងបានធ្វើជាមួយនាយកដ្ឋានសិល្បៈភាពយន្ត និងផ្សព្វផ្សាយវប្បធម៌ ក្រោមឱវាទក្រសួងវប្បធម៌ និងវិចិត្រសិល្បៈនៃព្រះរាជាណាចក្រកម្ពុជា ដើម្បីការពារខ្សែភាពយន្ត និងខ្សែភាពយន្តឯកសារជាច្រើន។ ភាពជាដៃគូសហការនេះត្រូវពង្រីកជាមួយស្ថាប័នផ្សេងៗទៀតនៅពេលបន្តបន្ទាប់។
សារមន្ទីររ៉ូដាំង (Rodin) សារមន្ទីររ៉ូដាំងបានប្រគល់ឲ្យមជ្ឈមណ្ឌល បុប្ផាណា នូវរូបចម្លងនៃគំនូរអ្នករបាំកម្ពុជាចំនួន១២០ផ្ទាំងឈុតរូបថតដែលបង្ហាញពីលោកអូហ្គូស រ៉ូដាំង ( Auguste Rodin) កំពុងគូររូបនៅឆ្នាំ១៩០៦ ព្រមទាំងកម្រងរូបថតចំនួន៥០សន្លឹកដែលបានថតនៅកម្ពុជា នៅដើមសតវត្សរ៍មុនដែរ។ www.musee-rodin.fr
សារមន្ទីរវិចិត្រសិល្បៈ និងគ្រឿងប៉ាក់ ទីក្រុងអាឡង់សុង (Alençon) សារមន្ទីរវិចិត្រសិល្បៈនិងគ្រឿងប៉ាក់ ទីក្រុងអាឡង់សុង ថែរក្សាបណ្ណសាររបស់លោកអាដេមារដ៍ ឡឺគ្លែក (Adhémard Leclère) ដែលជាអ្នកបានរស់នៅប្រទេសកម្ពុជាពីឆ្នាំ១៨៨៦ ដល់ឆ្នាំ១៩១១ និងត្រូវគេចាត់ទុកថាជាអ្នកត្រួសត្រាយផ្លូវក្នុងវិស័យជាតិពន្ធុវិទ្យានៅប្រទេសកម្ពុជា។ រូបថតចំនួន៧០សន្លឹក ដែលបានជ្រើសរើសពីក្នុងចំណោមបណ្ណសាររបស់គាត់ បានដាក់ឲ្យទស្សនានៅមជ្ឈមណ្ឌលបុប្ផាណា។ www.ac-caen.fr
វិជ្ជាស្ថានបារាំងចុងបូព៌ាប្រទេស (EFEO) ដោយបានបង្កើតឡើងនៅឆ្នាំ១៩០០ សាលាបារាំងនៅចុងបូព៌ាទទួលបន្ទុកអភិរក្សតំបន់បូជនីយដ្ឋានអង្គរនៅឆ្នាំ១៩០៧។ សាលានេះបានចាប់ផ្តើមការងារដំបូងៗក្នុងការថែទាំតំបន់បូជនីយដ្ឋាននេះព្រមទាំងបានធ្វើសម្រង់ឋានលេខា និងបានថតរូបរបស់អតីតរាជធានីខ្មែរនេះដែរ។ តាមរយៈរូបភាព មជ្ឈមណ្ឌលបុប្ផាណា បង្ហាញខ្លះៗអំពីសម័យកាល និងបុគ្គលក្នុងសម័យនោះ ដែលបានគូសវាសរឿងរ៉ាវទាំងនោះ។ សាលាបារាំងនៅចុងបូព៌ាក៏ផ្តល់ឲ្យមជ្ឈមណ្ឌល បុប្ផាណា នូវឈុតរូបថតពិសេសៗដែលលោក ហ្សង់ ប៊ូលបេ (Jean Boulbet) បានថតនៅឆ្នាំ១៩៧០និងឆ្នាំ១៩៧១ ដែរ។ រូបថតទាំងនោះ បង្ហាញឲ្យឃើញប្រជាជននៅតំបន់អង្គរបានភៀសខ្លួនទៅនៅខាងក្នុងប្រាសាទសំខាន់ៗ ពេលមានការទម្លាក់គ្រាប់បែកដំបូងៗ។ www.efeo.fr
ទីភ្នាក់ងារ រ៉ូហ្សេ-វីយ៉ូឡេ (Roger-Viollet) ទីភ្នាក់ងាររូបថតដ៏ល្បីល្បាញ រ៉ូហ្សេ-វីយ៉ូឡេ នៅទីក្រុងប៉ារីសនេះបានផ្តល់ឲ្យមជ្ឈមណ្ឌលបុប្ផាណា នូវសមូហកម្ម ស្តីពីប្រទេសកម្ពុជារបស់ខ្លួន ដែលបច្ចុប្បន្នកំពុងប្លែងជាឌីជីថល។ www.roger-viollet.fr
ក្រុមការងារនគរូបនីយកម្មទីក្រុងប៉ារីស (APUR) យើងក៏សូមថ្លែងអំណរគុណដែរដល់អ្នកដែលបានប្រគល់ឲ្យយើងនូវសិទ្ធិពិគ្រោះបណ្ណសារដោយមិនគិតកម្រៃ នៅក្នុងបរិវេណមជ្ឈមណ្ឌល ។ www.apur.org

យើងខ្ញុំសូមថ្លែងអំណរគុណផងដែរដល់អ្នកដែលបានប្រគល់សិទ្ធិប្រើប្រាស់បណ្ណសារនៅក្នុងមជ្ឈមណ្ឌល ដោយគ្មានធ្វើអាជីវកម្ម។