ម៉ូប៊ុយតុ ស្តេចនៃប្រទេសហ្សាអៀរ
ភាពយន្តឯកសាររបស់លោកមីសែល ធារី, ១៣៥នាទី, ១៩៩៩, និយាយជាភាសាអង់គ្លេស

ខែវិច្ឆិកា ១៩៦៧ : ម៉ូប៊ុយតុបានធ្វើរដ្ឋប្រហារយោធាមួយ ហើយបានឡើងកាន់អំណាចនៅក្នុងប្រទេស កុងហ្កូ(អតីតរដ្ឋស្ថិតក្រោមអាណានិគមប៊ែលហ៊្សិក)។ ក្រោយមកម៉ូប៊ុយតុបានកែឈ្មោះប្រទេសនេះ ថាហ្សាអៀរ។ គាត់បានប្រើភាពភ័យខ្លាច អំពើហិង្សា និងការគាបសង្កត់ ដើម្បីដាក់ប្រទេសឱ្យស្ថិត ក្នុងសន្តិភាព…

ប្រវត្តិខ្លីនៃក្បាច់គុនល្បុក្កតោ
ភាពយន្តឯកសារផលិតដោយលោកដានីញ៉ែល ពែរីយេ, ៥២នាទី, ២០១០, និយាយជាភាសាខ្មែរ

បន្ទាប់ពីបានជួបលោកគ្រូតាសាន្ត គឹមស៊ាន គ្រូធំម្នាក់នៃក្បាច់គុនល្បុក្កតោ ដោយឥតព្រាងទុកមក លោកដានីញ៉ែល ពែរីយ៉េ ក៏មានគំនិតបង្កើតភាពយន្តឯកសារមួយ ដើម្បីបង្ហាញពីសិល្បៈក្បាច់គុន ខ្មែររួមទាំងបញ្ហាមួយចំនួនទាក់ទងនឹងការច្នៃប្រឌិតក្នុងការផ្ទេរបន្តមរតកក្បាច់គុននេះ និងការបណ្តុះ បណ្តាលយុវជនជំនាន់ក្រោយ…

អាថ៌កំបាំងបណ្ណសារ
កម្រងភាពយន្តឯកសារចំនួនបី ផលិតដោយលោក ស៊ែក វីយ៉ាលេ, ៧៨នាទី, និយាយជាភាសា អង់គ្លេស

បាហ្វាឡូ បៀល, ១៩១០, ២៦នាទី
បាហ្វាឡូ បៀល គឺជាអ្នកមានឈ្មោះបោះសំឡេងខាងប្រមាញ់គោព្រៃ។ គាត់ក៏ល្បីដោយសារធ្លាប់ បានបម្រើការជាទាហាននាំផ្លូវរបស់លោកឧត្តមសេនីយ៏ Custer ដែលបានបាត់បង់ជីវិតក្នុងចំបាំងដ៏ ល្បីមួយ គឺ Little Big Horn ក្នុងឆ្នាំ១៨៧៦ ដែរ។

ការធ្វើឃាដស្តេចយូហ្កូស្លាវី ឆ្នាំ១៩៣៤, ២៦នាទី
ថ្ងៃអង្គារ ៩តុលា ១៩៣៤ : ស្ដេចអាឡិចហ្សង់ទី១នៃប្រទេសយូហ្កូស្លាវីបានយាងមកដល់កំពង់ផែ ម៉ាកសី ដើម្បីធ្វើទស្សនកិច្ចផ្លូវការនៅបារាំង។ ពីរបីនាទីក្រោយមក ព្រះអង្គត្រូវអ្នកជាតិនិយមក្រូអាត ម្នាក់បាញ់ជាច្រើនគ្រាប់ធ្វើគុត ។

ដំណើរឆ្ពោះទៅកាន់ឋានព្រះចន្ទ្រ ១៩៦៩, ២៦នាទី
នៅថ្ងៃ២២ កក្កដា ១៩៦៩ មនុស្សលោកបានដាក់ជើងដើរលើឋានព្រះចន្ទ្រជាលើកទី១។ ទស្សនិក ជនជាង៦០០លាននាក់តាមដានការផ្សាយបន្តផ្ទាល់ពីដំណើរផ្សងព្រេងដ៏អស្ចារ្យនេះនៅមុខកញ្ចក់ ទូរទស្សន៍។

វគ្គបទចម្រៀងជាមួយនឹងសម្ដេចព្រះនរោត្តម សីហនុ អមដោយភាពយន្តរឿង នាងកញ្ញាអាស៊ីណា
ការបញ្ចាំងវីដេអូខ្លីពីសម្ដេចព្រះនរោត្តម សីហនុ ទ្រង់បកស្រាយបទចម្រៀង (៣០ នាទី)

នាងកញ្ញាអាស៊ីណា
ភាពយន្តប្រឌិត ជាស្នាព្រះហស្ដរបស់ព្រះបាទនរោត្តម សីហនុ, ២២នាទី, ២០០៦, និយាយជាភាសាខ្មែរ

នាងកញ្ញាអាស៊ីណា ជាអ្នកចម្រៀងខ្មែរមកពីបារាំង ច្រៀងពិរោះ ទន់ភ្លន់ និងមានរូបសម្ផស្សស្រស់ ស្អាត។ ឯកឧត្តមម្នាក់ដែលចូលចិត្តស្រី បានមកសុំស្នេហ៍នាង។